S' a&p-Dreffa beim Eile am 5.1.2003
zua de Schwobasacha

 

 

Ein Bericht von Holger Reuchlin

Schoh als dr siedliche Manne ens Ländle komma isch, hot mr sich eigendlich dräffa wella. Abr der isch wieder abgfloga ond nix isch bassiert.

Noh isch dr Wernr aus Texas komma. Ond irgendwia war noh a Dräffa fir dr 5. abgmacht. Noh isch dr Wernr bei mir uffdaucht ond i han mit miassa. Abr i han's it bereit:-))

 

 

 

Warm war's, ibr Weihnachta bis en d Nacht vom 4. uf dr 5. Januar, do hot's a bissale gschneit. Abr mit meim Quaddroh sent mr guat durchkomma.

 

Seitaahfang

 

Z' Heibach hent mr dr Weg fascht gfonda, abr halt blos fascht. Noh hent mr ahghalta, noch de Lotsa gruafa ond ons des Schtädtle amole ahguggt. Em Hentrgrond, sällr Felsa, sieht mr dr Rosaschtoi.

 

Seitaahfang

 

D Losta sent noch am gloina Weile komma. Dr Foddograf hot gmoint, i soll mi kloinr macha, weil i sonscht it uf des Bildle druff bass.
Links, des bin i, en dr Mitte isch dr Rudi, dr Mah vom Eile, genannt Paul v. Staufen, ond rechts des isch dr Ginder.

 

Seitaahfang

 

Jetzt sieht mr dr Foddograf, en dr Mitte, dr Wernr.

 

Seitaahfang

 

I kah's kaom vrwarta.

 

Seitaahfang

 

Noh warat mr bei de Horlachers. Dr Wernr hot's Eile en dr Kuche bergriaßt.

 

Seitaahfang

 


Noh isch's los ganga: Als Vorschpeiß Mauldaschasuppa. War dia guat! Dr Werner hot glei noh an Nochschlag braucht.

 

Seitaahfang

 

Ruhlahda, an Schweinebrota, Blaugraut, Buabaschpitzla, Weckkneedl ond drzuah a saumäßich guata Sooß. Hent mir gschpachtlat! An gloinr Rescht von de Buabaschpitzla send ibrich blieba.
Dr Wernr hot ällaweil noh Hongr, d Christiane, d Freindin vom Jirgen, isch scheint's z'frieda.

 

Seitaahfang

 

Dia wo wegguggt isch's Eile, drneba hockt dr Ginder ond em Hentrgrond helt sich dr Rudi.

 

Seitaahfang

 

Dr Jirgen grinst sich oi's, dem hot's au gschmeckt.

 

Seitaahfang

 

Auß'r am Wernr hot koinr mehdr Nochdisch braucht, aber der hot des Birnakompott noh nahdruckt.

 

Seitaahfang

 

Dr Chrischtbaom

 

Seitaahfang

 

noh amole

 

Seitaahfang

 

Dr Rudi inschdalliert sei Funkaschtrecke.

 

Seitaahfang

 

Dr Lichtboga sieht mr leidr uf am Bildle it.

 

Seitaahfang

Noh hot's Kaffee gäha, do han i mi nemme zruckhalta kenna, so guat war dr Kuacha. Drnoch hot's noh s Veschbr gäha, do han i nix meh nahbb brocht. Ond kurz bevor mr ganga sent, hot s Eile noh Guatsla kredenzt, I han kois meh mega, so voll war i. Nochdem i han fahra miassa, han i koi Schnäpsle drenka dirfa, obwohl i dringend ois braucht hett.

 

Abr beim Wernr hot noh a Schprengrle nei basst. Kurz drnoch sent mr abgfahra.

 

Seitaahfang

 

Des war's noh